假博士肉麻當有趣訪問PK鄧，以為上硬位大鳴大放，誰知被李姓黨友截糊。富貴險中求，唯有趁10月23的大限將至，獨家專訪安全屋中的陳同佳。管牧卻橫加阻止，這個犯管家，雖無警棍但堪比速龍，假博士自知過唔到佢代言人嗰關，打蛇隨棍上索性訪問他。
一開咪，假博士嬌笑三聲：「點解你唔學PK戴黑框眼鏡，夠殺氣啲。」管家識做，乾笑兩下：「我咁樣靚仔啲。神職人員，唔靠殺氣，最緊要銀氣，即係我手上管理那批資產，必須長揸長賺才對得起天父。」假博士掩嘴尖叫一聲：「了不起啊，亞孟！管家管錢最穩妥，驅魔人角色，唔啱你，尤其是你哋教會名下咁多名校係嘛。」管家微笑代替回應。假博士問：「對家天主教區將岳飛納入教材，私有化岳義士，你們有冇反制？」管家悻悻然回應：「佢做初一我做十五，本教會決定搵花木蘭站台！無論木蘭是漢族抑或蒙古烈女，都係我會專利，不容侵權，違者必誅！」假博士學PK俾手指公讚美：「你肯定有辦法推陳同佳去自首，對不對？」管家哽咽說：「他正苦練『我的祖國』打算贈興！」管家說畢，將頭顱360度轉了一圈，假博士嚇到尿濕。