【話你知】何謂「表面證供成立（case to answer）」？大律師陸偉雄解釋審訊分成兩階段，首階段由控方舉證，鋪陳人證物證，若證據表面上看來並非不可靠、不齊全或缺乏根據，法庭便裁定表證成立，但距定罪還有一段距離。陸指若連表證也不成立，「即係控方連最基本嘅控罪元素都證明唔到。」
陸以暴動罪為例，控罪元素包括被告有共同目的而集結，並作出破壞社會安寧的行為。法庭需考慮被告當時的言行舉動，能否構成犯案的推論基礎，例如「記者喺現場合法採訪就明顯冇共同目的」；若社工或神職人員在場「好心叫人快啲走」，亦難屬犯法，「因為做嘅嘢同本身職責有關。」當表證成立後，才進入第二階段，即被告答辯，他可出庭作供、傳召證人或呈交證據等。
至於能否申請訟費，陸指需視乎被告的行為是否自招嫌疑，「喺現場出現就唔一定有嫌疑，要睇埋佢有冇鬧人、被捕時有冇反抗、拉咗之後有冇解釋『我唔係喎，我係社工』等，你唔解釋都可以構成係嫌疑。」