陳欣妍昨日在火炭拍攝廣告，身穿運動bra top露腰的她，擺出不同姿勢影相。為了拍攝效果更佳，自稱饞嘴的陳欣妍連續戒口兩日，她說：「我平時好大食，亦好鍾意食零食，為咗今日戒食飯兩日，平日好鍾意食飯。」她指疫情下有工開已心滿意足，拍廣告亦只是收開心價，更不介意性感演出。
有指與男朋友沈震軒已進展到同居生活，陳欣妍間接承認同居，並稱和男友拍拖三年感情穩定，她說：「拍拖一段時間唔係一個秘密，大家公開咗，好正常。我哋成日都見面，冇分咁清楚，但我好開心佢見證呢三年嚟，我嘅工作成長，我哋初相識嘅時候，我只係啱啱出道，冇咁多人認識，希望第日大家都可以focus我嘅工作。」