繼今年5月姜濤忠粉圍剿商台DJ麻利後，近日MIRROR成員Anson Lo（AL）歌迷又疑似向商台DJ發短訊，威逼利誘他們播偶像的歌，DJ梁文禮斥有賄賂之嫌，花姐昨日指︰「翻查返嗰個係冇follower嘅account，我了解咗唔係Anson Lo fans club裏面嘅人，但我都會道歉，始終MIRROR嘅事搞到佢哋，希望佢哋唔好誤會Anson嘅fans。」又強調fans送禮物有自由，不會限制他們，更表示此舉確幫到宣傳。
而評判小儀說今次雖沒有收過禮物，但強調以往fans送禮都好有禮貌，明白他們緊張偶像。對於今次為《造星III》做評判，她說︰「有啲參賽者之前訪問過，怕到時鬧對方尷尬，惟有當佢哋係金剛咁鬧。」另一評判鍾舒漫指藝人可盡情表現真我：「今日正式完約英皇都好感觸，15年間總會遇到唔想做嘅事，但喺呢個節目入面，可以盡情騷自己天份。」未來她仍會繼續錄歌，不排除再簽公司。