周秀娜的38歲髮型師舊愛陳偉成（Avis），去年跟兼職模特兒黃樂樂（前名黃藹樂）奉子成婚，惟日前有讀者L小姐向《蘋果》爆料指Avis以WhatsApp撩人妻尋開心，更踩剛生完仔的老婆「鬆晒」，不知是否因捲入桃色糾紛，Avis位於旺角的健身中心門外日前被人貼大字報及淋紅油。
讀者L小姐舉出稱是Avis向人妻說出的情慾對話截圖，游說她「約炮」，截圖當中他說：「我哋咁耐冇嚟過，我老婆生完又鬆晒，冇感覺你明㗎！」人妻連番拒絕，但Avis死纏爛打，據知該人妻是Avis舊愛，她口中的「老公」是男友，關係穩定。《蘋果》聯絡人妻的「老公」S先生，他以短訊回覆：「未婚妻當年發覺佢搞三搞四先分手，請你哋揭開佢呢一面，唔好再有其他無辜受害者。」
Avis昨日回覆《蘋果》否認約人妻：「我婚後冇同一個女性朋友出過街，平時我打字都唔會多過三句說話，都係Siri幫我打，全部錯字，識我嘅朋友都習慣咗。」Avis指每天皆陪妻兒，又稱可能因有人眼紅他健身中心生意好。爆料中指Avis形容老婆「鬆晒」，他謂：「如果講得咁嘅說話，我覺得完全唔配做男人。」他表示已報警處理，又謂想出10萬元緝兇。
