留家抗疫時，Serrini正好趁這段時間瞓身創作，原先預計寫三至四首，但因抗疫日子越來越長，結果足足寫出八首，由原本打算只出細碟，現在足夠出大碟，她謂：「其中一首歌係寫朋友留喺屋企時，大家一齊睇演唱會係咁跳舞，其實新歌想用跳脫形式講吓跳舞及身體動作，主要唔係歌詞，係音樂。」
Serrini指自己跟很多人一樣，曾經喜歡勁歌熱舞，只是人大了，好像忘記了怎樣去享受愉快地跳舞的感覺。問到是否因在家抗疫情很悶才想寫跳舞歌？她笑謂：「都係嘅，本身同監製都係唔郁嘅人，但疫情時諗返自己以前聽跳舞歌嘅情況，想聽歌時可以un吓，做啲基本嘅人體動作，好想啲人無論搭緊車、喺街聽到都好想郁。」是否亦想向歌迷帶來開心正能量？Serrini笑說：「我好少諗fans點諗，但都幾開心，因今次啲創作係平時自己唔會做嘅嘢，想試吓，聽眾聽咗都會幾有趣。」