【葉蔭聰失教席】
【本報訊】嶺南大學文化研究系助理教授葉蔭聰上月收到學校通知，指其「實任」（substantiation）申請被否決，被質疑「洗太平地」。校長鄭國漢昨於校內論壇回應事件，強調「完全唔係政治決定」。被問及國安法下校方如何保障學生或教職員，鄭僅稱「冇一間學校會保障學生犯法」，又指「如果國安人員嚟到話你犯法，大學都冇符㗎。」
鄭國漢昨晚於校內舉辦論壇，約40人參與，鄭多次被追問文化研究系助理教授葉蔭聰上月被否決「實任」申請一事，他強調「完全唔係政治決定，唔關政治事」，又指評估申請要從多方考慮，「要搵啲同佢（葉蔭聰）冇利益衝突嘅人去睇。」
港版國安法魔爪不斷伸延，有學生問到校方如何保障師生進行「敏感」議題研究。鄭指「冇一間大學會保障學生犯法」，如果師生只做學術研究，校方必定支持，「但如果你入面（內容）係犯法嘅，國安人員嚟到話你犯法，大學都冇符㗎，保唔到你。」
早前有校友投訴被退休警的保安屈曲手臂，校方指沒確鑿證據支持投訴。有同學要求校方向全校公開調查報告或閉路電視，鄭回應會研究「有咩可以嘅就分享」，但強調「唔會畀全校同學知。」