周二重心推介荷乙失利，反而兩場美職聯配角輕鬆開出，唔忿氣今次再推荷乙，揀支當旺球隊沖喜。荷乙開季4周只有2支球隊保持不敗，當中包括阿梅爾城，周五「阿梅」主場出擊，對唔識入波嘅靴蒙特，多多都讓得起，「讓球主客和」「主勝」有信心。
阿梅爾城上季只排荷乙第九，成績只係普普通通，不過今季引入老將高爾域克坐鎮中場，前鋒湯馬士華希迪亦交到功課，已經攻入三球。雖然阿梅4場聯賽只入10球，不過勝在防守力出色，4場波只有1場有失波，嗰場仲要同另一支前列分子精英隊駁火之下，以6:4勝出，其他三場都保清白身，但始終阿梅都唔算好大名氣，莊家開盤暫時都忍手，世界博彩公司開出呢場主W係1.33倍，而且都係讓一球/球半，足智彩[-1]「主勝」都有一定睇頭，以靴蒙特自揭幕戰擊敗奧斯後，已經三場不勝兼冇入波，睇怕今場都係等死。
賭蘇超，一般球迷都追住些路迪同格拉斯哥流浪嚟賭，不過莊家對呢兩支班霸開盤好辣，長賭唔着數，反而發掘到黑馬仲有數圍，登地聯（圖）今季升班，8戰3勝1和4負，戰績好似麻麻，不過四場輸波，都係輸畀格流、些路迪等前列球隊，對中下游分子綽綽有餘，周六作客咸美頓，主隊主場三連敗，唔使諗咁多直轟客W。挪超方面，次席莫迪似乎已經放棄追趕榜首波杜基林特，專心歐聯附加賽，辛迪夫佐特作客或可偷雞，冷冷地博個「讓球主客和」「客勝」。
截稿前馬會尚未開盤，盤口僅供參考，讀者記得留意足智彩網頁。
文：Goal進