疫情重創各行各業，不少打工仔過去數月都被迫停工，所以當黃皓恆推出援助基金，即吸引不少基層市民申請，不料卻因此受騙。申請者鄭先生為妻兒申請基金，一家五口共付1,000元，更「帶挈」10多個朋友申請，眾人提供樣本後逾月也杳無音訊，鄭先生無奈稱：「好擔心我哋啲口水會唔會成為散播病毒途徑。」
的士司機鄭先生上月21日到WeUnity申請基金，「登記嗰時會送罐頭、送口罩，又冇即時收錢，咁（檢測）要畀200蚊，我覺得OK嘅。」他亦為妻子及三名子女申請基金。
6日後，有人到其住所「派樽」，收取五人共1,000元檢測費，他更向朋友介紹，「我都通知咗成十個八個朋友。」至截稿前，鄭先生一家已交回樣本近一個月，仍沒收到基金消息，最終朋友們紛紛向他討回200元檢測費。鄭先生近日多次在fb留言追討均不得要領，更被刪留言，「（騙局）做得好靚，難聽啲講，做騙子都做得好好啦。」除失款外，他更擔憂眾多遺留在公司的唾液樣本，會有播毒危機。
據他提供的圖片，樣本樽僅有透明膠袋包裝，與政府或私人診所以雙重密實袋包裝不同，膠袋亦沒有「樣本收集袋」、「生物危害」等字樣。他指當日前來收樽的人沒有防護裝備。
從事飲食業的申請人林小姐一人申請，且居所位置不便，不屬首批派樽的目標，「真係好過份，個個都等錢使，你就去呃人啲錢。」她批評WeUnity向基層埋手，「佢一話要收錢先，我就覺得有古怪啦。」她願意在預定派樽當日，即場踢爆黃皓恆的惡行，惟最終黃或手下沒有出現，對黃的做法不滿，「呢啲人一定要捉咗佢，唔好畀佢再呃人。」