《理大圍城》放映前突被評為三級，只准18歲或以上人士觀看，有前電影檢查顧問小組成員透露，每次均以小組形式集體睇戲，繼而討論及評級，直言把影片評為三級通常爭議不大，「比較難係究竟2A定2B」，粗口及裸露鏡頭非「必然三級」，惟成員評級只屬建議，最終決定權在電檢處。對於片頭加入警告字眼的做法是聞所未聞，「好黐線……咁所有戲有殺人情節係咪都要加？」
現時電影檢查顧問小組成員有近300人，屬義務性質，市民可自行報名加入，名單上部份名字為人熟識，如民協副主席兼深水埗區議員何啟明、曾鬧爆警暴的巴裔港人簡浩名，亦包括何俊賢及郭晶晶等，未知是否同名同姓。
曾擔任六年電檢工作的前小組成員透露，電檢處安排各人每兩周參與一次檢片，一名電影管理主任帶領約10人睇戲，「張凳直情好似戲院咁，去到簽到，坐低，睇完，大家討論，唔一定有結論，其實都係畀意見，電檢處可以唔聽，所有嘢最後都係佢哋決定，但經驗係絕大部分最終評級都同小組意見一致，電檢處亦以電郵交代最終結果畀你知。」
現行法例規定，任何公開放映的影片須先被評級，在戲院包場求婚播片或大學的會堂播放校內活動剪輯花絮亦須送檢，但該成員指未曾觀看此類影片，「最多都係睇紀錄片」，猜測部份影片未必由公眾參與評級；另有部份具爭議影片，處方會安排多於一次檢片以收集更多意見，有需要時管理主任亦會提供指引，但他直言，從未聽聞顧問小組可建議片頭加上警告字眼，「傾刪鏡頭已經好大件事，咁加警告係好黐線，好多電影裏面都有犯法行為，咁所有殺人情節係咪都要加（警告）？」他相信有關要求極大機會來自官方。