想發掘二線波寶藏，荷乙一定要留意；之前唔少球迷都恰埋眼賭「大」。不過今季就有新現象，開季三周幾，客勝比例比以往高好多，唔知係唔係主場球迷仲有限度入場關係，周二中下游大戰，博馬斯特里赫特客勝。
因為武漢肺炎，球員、球迷都要適應新方法，荷蘭都算係政策較放鬆嘅國家，開始有限度容許球迷入場觀戰，但主隊戰績仍然似乎唔係咁好。上季荷乙主勝有47%，但今季開季至今就完全相反，客隊已經贏左20場，比率高達57%。星期日荷乙單頭波，阿梅爾城作客開出2.65倍W，唔計強隊，一般客W都有2.5倍以上，長追絕對有利；星期二兩場荷乙，就揀丹保殊對馬斯特里赫特；坦白講兩隊都係荷乙中游分子，冇咩特別高低，不過馬斯特里赫特今季作客唔錯，兩戰拎到1勝1和。而丹保殊踢左三場，唯一勝仗係主場擊敗多德勒支，但對手只屬包尾分子。
上星期五主力推介美職，順利命中，今個禮拜亦都會繼續推。上次要左FC洛杉磯對家，結果西雅圖海灣者順利大勝3:0，不過場波FC洛杉磯表現其實唔差，完全係因為連輸2球12碼先打窒度氣，FC洛杉磯今周返到主場，只面對溫哥華白帽，信FC洛杉磯大勝反底。國際邁阿密呢支新兵，實力就麻麻，不過勝在攻強守弱，已經連續三場開「大」，今次可以再追。
文：Goal進
截稿前馬會尚未開盤，盤口僅供參考，讀者記得留意足智彩網頁。