小弟符符碌碌咁又過兩關啦，其實真係對日職就有偏好，亦都因為成日睇日職比賽，亞洲聯賽水平觀感上最好就係日本職業聯賽，所以唔怕死嘅可以繼續信小弟嘅眼光。
嚟緊星期三又有日職快車，再一次畀榜首嘅川崎前鋒及大阪櫻花，川崎前鋒對住擁有三浦知良及中村俊輔兩位老人家嘅FC橫濱，盤路上問題應該不大。FC橫濱實力始終未能夠企穩J1行列，前鋒首循環都可以輕取橫濱FC 5:1，返到主場威力必定更勁。但因為快車關係小弟就唔推介「大」，前鋒讓幾多都要。
至於大阪櫻花方面，周三作客FC東京，首循環對賽雖然只能夠賽和 0:0，但係踏入季中，2哥櫻花、3哥FC東京嘅分野就係失球數字。櫻花失球數字同榜首嘅川崎前鋒一樣只係16球，日職防守概念薄弱，同踏入季中漸趨穩健嘅大阪櫻花比較下，東京防守就如啤牌塔，一吹就散，如果讓波，難聽啲贈FC東京一句「憑甚麼」。
相信一直有留意日職嘅朋友都知道，入面一直都有好多偏向進攻、防守理念等於零嘅球隊，但踏入季中佢地就會開始反思，特別係擔憂失球數字。所以「入球大細」選擇嘅時候要偏向兩隊進攻能力較強先好揀「大」，清水心跳個勢似開始轉「細」，最後整條6串1俾大家。
文：黃耀富
截稿前馬會尚未開盤，盤口僅供參考，讀者記得留意足智彩網頁。