【本報訊】1996年春天灣仔人頭湧湧，成千上萬港人排隊趕上歸化英籍的尾班車。廿多年後香港再掀移民潮，一本BNO護照正式進化成鋪路移民他鄉的「逃生門」，今年首七個月最新續領獲批人數已近六萬，有本港夫婦掙扎多時終因國安法而決定到異地覓自由，「種恐懼感係我可能只不過講良心說話都會俾人拉……基本上你有良知可能都已經係犯法。」
本報查詢英國內政部護照署，截至今年7月中BNO英國海外國民護照發行數字為374,806本，今年首七個月續領獲批數字為58,335本。
比較過去五年BNO簽發量，2015至2018年每年約1.4萬至3萬，去年首半年共8,704本，但隨着反送中運動開始，7、8月後審批量激增，下半年急升至逾11萬本，增幅驚人，超過2015至2018年四年總和。當中包括港人陳氏夫婦（化名）。陳太指去年有人發起聯署BNO「平權」，才續領過期十多年的BNO。英國最近宣佈明年1月實施「五加一」政策，她形容「因為有逃生機會，但係同時又好內疚，好記得有個（年輕）同事同我講，你哋個個走晒咁我哋點？」
惟陳太眼見香港情況越加惡劣，國安法已是最後一根稻草，立法一刻，她形容「即係冇㗎啦喎，香港冇㗎啦，7月1號開始已經一國一制，咁我仲留係度做乜嘢呢？」她感到立法後短短個多月，香港再失去更多言論、新聞自由，教育、醫療等全方面被侵蝕，「我覺得新疆嗰套唔係嚟緊，係已經嚟到」。
「走佬到UK」版主「走佬媽」本來賣樓預備移民到門檻較低的塞浦路斯，BNO新政策公佈後，一家三口8月便出發抵英，女兒剛好趕及開學。「自從去年下半年見到警暴所作所為，政府根本就係縱容，法治名存實亡，藍絲永遠做咩都冇事，的士佬車斷個女仔隻腳都可以冇任何嘅責任；（教育）又開始洗腦啦，我唔係幾接受得到香港會變成咁」。
英國移民顧問「Goodbye HK, Hello UK」香港代表Billy表示，7.1後收到數以千計查詢，蒙面法通過當日一日已有上百人。他指，續領數字某程度可反映多少人考慮移民，「但大部人心態都係申請咗，袋住本護照穩陣，完全冇興趣都唔會嘥時間申請」。
