財經事務及庫務局局長許正宇幾日前上載一條影片，坐在茶餐廳內一邊政治正確地掃微信，一邊矯情地慢呷奶茶，再一邊回答「侍應」的提問。短短3分鐘的片段，Chris局長就官威外露，左一句「咁嘅數字都未聽過？！」嗆爆侍應不知1014代表施政報告出爐日，右一句「你記住叫你啲同行快啲裝返電子支付！」新官上任果然三把火！
影片聲稱是回應網民的提問，但提問的題目太好笑，如「千手局長，可以比（畀）個number勉勵嗎？」這是正常人會問的嗎？公開資料已經很易發現，向Chris局長提問而又被揀中回答的三名熱心網民，都與政策創新與統籌辦事處高級政策分析主任鄧珮頤（Phoebe Tang）有關連，一位是Phoebe的母親、一位是Phoebe的健身教練朋友，另一位是K11的公關，是健身教練的朋友。Chris局長搵人做媒自問自答，手法相當不專業。
可能你會話「做媒啫，犯法咩！」做媒即是造假，口講諮詢，實則做show，還是一場公關爛show，叫人慘不忍睹！
好笑還好笑，Chris局長野心勃勃，開口埋口講金融穩定，自己有責，實則財庫局實只是睇基金和強積金，真係唔識就嚇死，識嘅就笑死。然而他唔怕醜將自己打造成金融界「大嘥鬼」，說不定終有一日還真的殺出血路。
相比之下，金管局社交媒體做得唔湯唔水，帖文有種「婦女新知」的屋邨C9風情，一時教下親子理財，一時提你收銀車去邊。要不就學證監企後半步，只做「錢家有道」，既保住監管機構的專業形象，但不會在社交媒體缺席，高招。
戚風生