柳太曾評安心事件:有種愛叫放手

柳太曾評安心事件:有種愛叫放手

柳俊江和太太雷康怡前日忽傳婚變,男方更驚爆與太太的25歲朱姓男友人打鬥被捕,《蘋果》昨日翻查Florence的fb,發現公開的帖文中,最近絕少貼出夫妻合照,反而不時分享與仔女的相片,亦有不少關心社會及抗爭post。Florence在去年4月中還撰文大談鄭秀文(Sammi)與「安心事件」,當中可見其婚姻觀是絕不能縱容對方犯錯,文中她更不避嫌稱許志安做「老鼠安」,她寫道:「要做一個落入凡間的天使,就是要經歷一次又一次的試煉。經歷試煉又跌到損手又爛腳嘅,唔係老鼠安,而係Sammi自己。這個故事,令我腦海突然浮現一個類同景象,『一個好有錢嘅阿爸,眼見個仔敗家又冇人性,無論佢做過啲咩錯事,富貴家庭無限繼續包容。』你有冇諗過,個仔冇人性係天生嘅,但養成變本加厲又不知所謂,係個老竇同屋企都有份嘅。」

Florence續說:「老土啲講,有一種愛叫做放手,佢唔真正離開你呢個comfort zone受過教訓,佢又點識得學會負責任,學識去付出?」她稱可憐Sammi竟選擇將自己放在一個被人無限傷害的位置,又指想不出有何理由會這樣做,可見Florence是個不會縱容另一半傷害自己的堅強女人。現年39歲的Florence擅長玩豎琴,又自製豎琴及創立品牌「Beary Harpy」兼觀塘開教室,擁有自己的事業。

■Sammi於安心事件後原諒了安仔,Florence認為這樣是縱容丈夫傷害自己。資料圖片

■除了抗爭相外,Florence近來只分享與一對子女的生活點滴,少見與老公的合照。互聯網圖片