現年67歲的盧宛茵（Madam Lo），去年憑飾演過最多藝人阿媽而入紙申請成為「健力士世界紀錄」，日前她接受商台節目錄音訪問，分享自己當年年僅22歲便下嫁前夫、香港第一代新聞主播何鉅華，但最後兩人離婚收場以及作為兩子一女單親媽媽的責任。談到當年早婚，Madam Lo謂：「冇人勸過我應唔應該咁早嫁，我嘅年代好多同學都16、17歲已經結婚，當時我成20歲，反而覺得遲。」
婚後Madam Lo相夫教子，直至87年復出；88年宣佈離婚，她坦言：「當時感覺好難相處，有好多忍受唔到嘅問題，我覺得人生點解要咁辛苦？傳統女人會死忍爛忍，但我嘅脾氣問題係唔會忍，我認為一世人流流長，好惡頂，咁就算數啦，唔想自己辛苦。」離婚後她供養子女直至外國大學畢業，完成責任後感覺如釋重擔，有否想過再找人生另一半？Madam Lo說：「同人相處要夾好困難，倒不如一個人自由自在。冇約會就呃你，但已經係好耐之前嘅事，仔女冇任何意見，我畀仔女好大自由度，佢哋亦畀我好大自由。」Madam Lo從沒後悔早婚，因如沒有婚姻現在便不能享受兒孫福。