張寶兒袁偉豪同居唔急生B

袁偉豪與張寶兒拍拖三年，男方前晚在社交網宣佈去年在加拿大尼亞加拉大瀑布前，已成功求婚，更大晒3卡鑽戒。張寶兒之後回覆傳媒說：「乜都未準備，安排中。疫情下應該暫時唔會擺酒。」

準袁太張寶兒昨午在觀塘為劇集開工，她受訪時未有戴上3卡求婚鑽戒，但仍難掩幸福，更坦承已是同居關係。憶述求婚過程時，張寶兒笑不攏嘴謂︰「我唔知佢都有喊，好震撼，好似啲血攻上腦，同想像中嘅情緒同反應都好唔同，聽唔到睇唔到。」她又表示不急於生BB。至於婚禮安排，張寶兒表示仍在構思中：「希望等疫情穩定先，出唔出到去（外地）都會一切從簡。」另外，去年宣佈求婚成功的潮店創辦人潘世亨，日前與模特女友麥少瑜正式入紙註冊。