上個禮拜雖然打響頭炮，「讓球」過關搞掂，但係波膽過關失利，所以都有啲唔開心，唔緊要再接再厲，不過今次就唔再講英超啦，點解？小弟專門睇啲冷門嘢，其實易捉啲！
好啦入正題。近近地禮拜五有一場葡超，當然就係班霸賓菲加出場啦，但賓菲加最近喺歐聯外圍賽就輸咗畀希臘球隊PAOK 1:2，搞到要出局，雖然戰績未如理想，但係佢哋返到聯賽就係另一個世界，上季輸咗畀波圖，失落咗聯賽冠軍，今季一定會捲土重來㗎啦，所以振家聲好緊要，作客法馬利卡奧預計「讓球主客和」開[-1]都冇問題，所以就值得投資吓呢邊嘅賓菲加！
日職都係我主力聯賽，禮拜六都有場心水，日職一字記之曰「大」，不過當然都要睇戲碼啦，有神戶嘅地方亦都係入波表演show，不過都要睇準對手，首選「入球大」嘅推介一定係神戶勝利船啦，剛剛禮拜三快車，神戶0:1輸咗畀大阪櫻花，對手屬於防反型，所以就開「大」不成，但今次嚟到名古屋作客鯨魚，碌大雙眼睇住對方如何廝殺。往績上，上季呢條鯨魚曾經作客輸過3:5，今次一定誓要報仇！
至於另一隊川崎前鋒入球能力睇數字都嚇死你，但係大家唔好誤會我會畀「大」，心水推介就捉盤路，因為始終上一場用功過度，對廣島三箭有六球交收，禮拜日作客浦和紅鑽好大機會有啲回落，但贏波就冇乜問題，1球起2球止。
文：黃耀富