【本報訊】政府將向立法會申請1.38億元作為香港大學深圳醫院的委託費。有立法會議員直斥政府事前毫無任何諮詢，欽點更成為新常態，「𠵱家越嚟越興欽點，北上派藥搵工聯會，睇病就搵香港大學深圳醫院，病人仲有冇得揀？」
香港大學深圳醫院過去醜聞不斷，且債台高築，政府今次更明益「補貼」逾一億元。公民黨立法會議員郭家麒表示，港大深圳醫院的擁有權全屬深圳市政府，港大醫學院則負責醫院運作，「係有欠債同（賬目）數目唔清楚嘅情況」，認為政府與一所醫院或醫療機構合作，需要正式招標及訂立職責範圍，「有啲咩做得同唔做得，咩藥畀得同唔得」。
郭家麒認為，即使政府要推行有關服務，亦有其他可行的做法，「例如搵一個非牟利機構搵香港醫生負責、HA（醫管局）直接有個衞星診所等，可能更加好，有好多嘢可以傾」，但最諷刺是現在連討論空間也沒有。他批評政府「𠵱家越嚟越興欽點，北上派藥搵工聯會，睇病就搵香港大學深圳醫院，大部份都係國內醫生，咁病人仲有冇得揀？」
翻查資料，香港大學深圳醫院是香港大學與深圳市政府的合作項目，深圳市政府斥資約40億元興建，港大則負責管治及調派醫學院的醫生定期到深圳醫院，提供臨床服務及培訓工作，現由港大醫學院教授盧寵茂擔任院長。醫院自2012年啟用以來，多次傳出經營困難及負面新聞，包括至今仍未還清，拖欠港大約六億元墊支款項、醫院預約籌號被炒賣、發生專業失誤致新生嬰兒死亡等多宗醫療事故，以及去年該院急症科主管醫生被揭涉嫌提早開出「未來收據」等。