《愛．回家》導演Justin成代罪羔羊，今年5月約滿無綫、曾演出《愛．回家》的李綺雯表示：「好震驚，呢個導演拍嘢好有心，少咗掣肘，希望佢有更大發展，欲加之罪，何患無辭，做人最緊要對得起自己良心。」至於因發聲不獲無綫續約的鄭敬基昨日更上載戴上黃手套相片狠批無綫：「手套事件令TVB已經唔再係一間電視台，亦唔係甚麽娛樂事業，而係徹徹底底嘅國安部門。」他又指：「點解要導演同PA辭職？點解演員冇責任？呢個係超越政治迫害。」
黃秋生昨日以短訊回覆《蘋果》︰「《愛．回家》改名《愛．國家》，叫劉丹日日唱紅歌，我一定睇。佢哋一定要搵我演個角色，我識唱好多紅歌。」傳媒人曾志豪笑言︰「可能係史上第一次因為一對膠手套而冇咗份工。」王宗堯形容「方丈」一向小氣，今次是「文革式」清算。另外，職工盟總幹事蒙兆達批評，無綫以涉嫌違反《國安法》逼員工辭職，屬文革式政治迫害的「揦鮓手段」，做法無恥。