大劉喺下個月3號，會喺蘇富比搞個「劉鑾雄窖藏佳釀」專場，拍賣超過110支靚酒，總估價超過2,570萬元。大劉話今次拍賣嘅珍品，係38年來悉心收藏裏面嘅「其中小部份」，諗住同愛酒之人分享「收藏一隅」咁話。
今次拍賣焦點係羅曼尼康帝、 La Tâche及Montrachet矚目年份及罕見大瓶裝，包括48瓶標準裝1990年DRC羅曼尼康帝，以及三瓶6公升裝DRC羅曼尼康帝（分別為1996年、1999年及2002年）。大劉收藏中，仲有一系列傳奇釀酒師Henri Jayer出品，包括重要年份的Cros-Parantoux、Echézeaux及Richebourg，當中包括跨越1979年至1999年的1.5公升裝。
大劉過去豪花10億買酒，佢曾對《蘋果》話因為鍾意開party，所以不同年份、牌子嘅靚紅酒，都搏命買！聽落好奢侈，不過有錢人連興趣都可以變錢，大劉話批珍藏若然未有飲用，估計已升值到6、70億元。不過大家最感興趣既係，大劉肯割愛，究竟係咪等錢使？
李華華
