【本報訊】本報連日觀察發現涉違規運送樣本的白牌七人車消毒程序十分馬虎，且基本防疫裝備一日比一日少。有跟車工作人員投訴須自備保護裝備工作，政府的工作人員則有口罩、面罩、手套提供，兩者薪酬相差四至十倍，待遇相差甚遠。
全民檢測首日所見，大部份樣本車司機戴上透明面罩，搬運時戴上手套，但未見有保護衣提供，至第四日大部份司機已沒戴面罩，只戴口罩及手套。樣本車每次落貨後須進行消毒，火眼實驗室工作人員僅以消毒噴霧器在車尾內櫳噴灑消毒液，部份消毒過程不消10秒，效果成疑。
有跟車工作人員的家人林小姐（化名）透露，外判香港七人車司機雖獲分配裝備，但不及外判中港車司機全面，「中港司機裝備多啲，會有埋面罩，香港車司機得手套同口罩」。跟車工作人員待遇最差，需要自費裝備，薪酬比司機更微薄。林小姐指家人已「手停口停」近四個月，8月底收到訊息即「𦧲飯應」答允開工，「佢第一日開工，都係上office做個briefing（簡介），講咗兩句點做，係去搬嘢，然後就開工。」事主亦擔心搬運時有染毒危險，只能小心謹慎，下班後先用消毒噴霧噴勻全身才踏進家門。
公民黨譚文豪亦曾收到七人車的跟車工作人員投訴指，他們負責收集和搬運樣本上落，屬高危工種，惟不僅時薪只有75元，連基本裝備亦欠缺，任由他們「自生自滅」；相反，在檢測站或火眼實驗室的政府人員時薪至少310元，高級人員薪金高至時薪800至900元，「佢哋只不過企喺度安排叫人排隊」，待遇差天共地。