網友出題俾大家揀，三個老母：鄭市長、何女士、蕭芳芳，想邊一位做你娘親。
何解有此一問，香港人，明嘅。蕭氏被張建宗fb暴露自願檢測行蹤，遭人質疑幹麼對12歲買粉彩少女被差佬撞飛騎壓，自封護苗達人竟然粒聲唔出呢。大佬，唔係自己個女嘛。藍屍挖苦少女在示威區買粉彩，「聾㗎咩」，一箭雙雕，射埋蕭小姐。咁慘豬，放她一鹿吧。
餘下兩位老母，旗鼓相當，一個唔睇12歲或者15歲女孩的遭遇，冇眼屎乾淨盲，就連自己的高材生兒子「家有急事」被失蹤，一樣噤聲。香港12人水路偷渡往台灣遭內地截獲，家屬聘請內地律師全遭公安駁回，威脅辦此案件會被釘牌。感恩中央的鄭市長，這回心裏踏實，想她哽咽都難！堅決不作為，與自稱唔識handle個女的何女士一樣，撒手不管任由15歲女兒第N度被送入女童院單獨幽禁。兩個老母最大共通點是好L中意返工到異於常人。何女士堅稱女兒是自殺，一年後遭「死因存疑」裁決狠狠打臉後說「希望盡快了結，正常上班」。香港人冇病，兩個都揀唔落手。投錯胎的，無論坐艇，抑或跳海，點都死。