【本報訊】疫情下未能外遊的港人轉為「Staycation（宅度假）」，租住本地酒店度假及搞聚會。不過，有缺德之人租用半島酒店慶祝生日後，裝修典雅的房間淪為垃圾崗。香港酒店工會形容情況惡劣，慨嘆「做死啲清潔工人」。半島酒店對此事表示遺憾，據悉，有關住客需付約3,000元清潔費。
香港酒店工會早前在facebook專頁上載一段短片，是一間酒店房間於客人使用後的情況。片段可見，整間房地下滿佈雜物及垃圾、放滿酒樽、電視牆身有白色泡沫，疑是忌廉狀物體，電視螢幕及窗簾亦被弄髒，房間牆身貼有「HAPPY BIRTHDAY」字樣的氣球，桌上亦留下大量食物殘渣。
香港酒店工會主席代表徐考禮表示，有關片段約一個月前拍攝，據他所知屬半島酒店房間，酒店最後收取客人約3,000元清潔費。徐稱以往亦聽聞有五星級酒店出現較「離譜」情況，「好耐之前聽過有客人喺床度留低糞便，結果酒店收咗佢兩萬蚊清潔費。」他批評有關人士無品，「𠵱家放無薪假嘅人多咗，真係做死啲清潔工人。」
半島酒店發言人承認事件，表示遺憾。酒店早前已聯絡有關客人處理事件。
旅遊網Flyday.hk創辦人Herman認為，此類本地客與以往外國旅客不同，「佢哋留喺房時間長咗，心態亦唔同，通常一班人喺度玩，當去小旅行，亦有唔同要求，例如慶祝生日、要求多啲佈置等。」出現清潔問題個案亦較多，「但冇見過咁誇張，（片段）都係第一次見。」他估計客人有機會被酒店列入黑名單，「如果成本咁重，酒店未必再做佢生意」。
