假如召開死因聆訊，香港點死的？法官引導全港市民陪審團，先分解：非法被殺、自殺、意外身亡、存疑裁決。意外一項，不符合香港死狀，首先被排除，剩下「三亡分立」，大家以「用家」身份，比醫生更「專家」地分析，得出結論：
藍屍以浮屍自居引兩份左報解析，香港肯定是被攬炒派搞砸，攞嚟衰，裁定自殺無誤。而攬炒中的暴力私了，一直搶鏡出頭申冤的假博士驗證過，擺到明他殺啦使鬼審咩。香港被殺，兇手戲子路線圖係有嘅。但自殺要搵精神科作古仔，好彩官方大把高永文之類的大醫生，逐項評價，香港人這兩年嘛，被搞（真的搞你）到冇啖好食，冇shop可拼，冇學可返，冇工可「分」，最近冇埋撳掣炒股的活計（驚咗將沽貨當沽空的毒品調查科），搞到日夜皆聽到耳邊有把聲，叫香港人冇再硬下去了，趁最後一日趕撩喉，否則派錢凍過浮屍的體溫。思覺失調症蔓延，戴口罩都感染，患對立反抗症有反抗兩隻字都會拉。總結香港死因，包含慢駛響按、MK買粉彩、大住肚出街、唔自願檢測、唔讚國家隊。雖然死因存疑，陪葬品冥冥中早注定，夾隻維尼與木蘭公仔吧。