譚炳文於本月5日離世，享年86歲。炳哥生前最後錄製的電台訪問《一起走過》前晚播出，他在節目中暢談入行經歷時，聲如洪鐘，談笑風生，又不時開懷大笑，更謙稱「成世冇紅過」。江美儀則認為炳哥的演藝生涯順風順水，他亦坦言未曾嘗過低潮：「𠵱家最困難，因為啲神經線畀啲骨刺拮住，行多幾步都痛，唔行得。喺屋企對住四幅牆好悶㗎！最叻都係搭的士去飲茶，𠵱家唔係話搵錢，喺屋企坐得耐仲痛，行住反而冇事。」
炳哥又自爆曾被年輕演員藐視：「我提佢嗰句係咁講，佢矋住你㗎！所以我𠵱家乜都唔理，最緊要做好自己收銀紙。」他指自己對人生無悔：「好彩就有兩、三年，我無悔呀！乜都食過、乜都嘆過，最緊要仔女安安樂樂，我盡頭㗎啦！唔好再捱、唔好再辛苦。」