各地聯賽都備戰新一季開鑼嘅同時，亦都要面臨武漢肺炎嘅再度來襲，包括巴黎聖日耳門同車路士等嘅球隊都有球員不幸確診，影響球隊季前部署。最新出現武肺患者嘅就有西甲嘅馬德里體育會，上周球隊原本喺洛杉磯開始季前集訓，但全隊接受檢測之後就證實教練施蒙尼不幸中招，集訓被迫叫停要拉大隊返西班牙。之後球隊就發聲明話施蒙尼冇明顯症狀，家陣已經接受緊居家隔離。