樂隊Supper
Moment（SM）的32歲主音陳仕燊（Sunny），昨日在社交網分享與拍拖六年的圈外女友Emily的相片，並留言︰「She said yes.」宣佈求婚成功。
相中所見，Sunny女友Emily手捧大束紅玫瑰花，笑得十分燦爛，另一個畫面中，Emily用手遮住面含羞地笑着，而Sunny站在身後做出一個加油的動作，表示自己「得咗」，最後見女友Emily已戴上求婚鑽戒，Sunny輕托住女友的手，寓意「執子之手，與子皆老」。
求婚成功即將為人夫的Sunny昨日以短訊回覆《蘋果》，他表示和女友已拍拖六年，提到求婚過程，他難掩興奮之情地表示：「梗係有跪地送花，多謝朋友幫忙安排，女友都好驚喜，感動到喊。」然而相中就未見有其他朋友的合照。
問到Sunny計劃何時正式結婚？他表示正在安排中：「一有消息一定會話畀大家聽，多謝！」消息傳出後，Sunny獲不少圈中好友留言祝賀，包括江海迦、鍾舒漫、何雁詩、馮允謙和陳慧敏等，其中鄭欣宜就留言要在婚禮上做花女，組合C AllStar的梁釗峰留言︰「大個仔」，更有網民留言稱樂隊正式成為已婚樂隊。
現年32歲的Sunny和圈外女友Emily拍拖六年感情穩定，時常拍拖睇騷，Sunny每次演出，Emily都例必現身支持男友。而樂隊另外三位隊友張祖光（CK）、梁耀鵬（阿雞）和陳鴻達（阿達）均早已成家立室，Sunny如今求婚成功，邁向人生新一頁。