戇直青年歷生離死別

戇直青年歷生離死別

Kenny回想2003年被英皇揀蟀入行,戇直青年經過17年磨練,自言收穫豐富:「最大唔係拍過乜嘢電影,唔係出過乜嘢騷或者專輯,反而覺得呢17年,有嘢嚟、有嘢走、有嘢得到,為我攞到好多人生經驗。𠵱家嘅我有生命力咗,對人對事感覺多咗,呢個係最大得着,係成長經驗。」

Kenny回想三年前在橫店拍劇開工時,接到養了15年的秋田犬死訊,當時正在化妝的Kenny立即崩潰淚流滿面:「好嬲自己陪唔到愛犬最後一程,劇組導演知道後,佢調動咗我啲戲,畀我返香港安排愛犬身後事,呢件事令我真正感受到生離死別。」Kenny先後出過三本寫真集,包括2003年的《Boy’z 2gather》、2006年的《尋找美惠》和近日推出的《尋蝶戀花》,由青澀到成熟,可打算半百時再出一本留念?Kenny說:「未必喇,或者到時用第二啲嘢嚟紀念。」

■2003年,Kenny和張致恒(左)組成Boy’z出道。 資料圖片