陳欣妍（Shirley）昨日化身印度西施到尖沙嘴出席電影《我男朋友係好「差」》宣傳活動，該片講述香港女生遇上印度男士的愛情故事，陳欣妍與男主角成家宏（Karan Cholia）會在片中接吻。她昨日大讚印度男性靚仔、輪廓深好有型。男友沈震軒前日透露即將到內地拍劇，但陳欣妍卻一臉尷尬不知男友去向，她解釋說：「冇嘢，我知道佢返內地，但我哋好少講公事，見面係做運動同健身。」
早前張沛樂（沙律）曾公開試戲時遭博懵，同場的張建聲成為疑犯，昨日沙律缺席活動，有避開張建聲之嫌，他說：「唔好亂來，高抬貴手，我哋手仔都冇拖過，鼓勵佢開名捉條友出嚟，唔可以放過呢啲借電影做惡行嘅人。」