【本報訊】疫情下外賣平台成逆市奇葩，但自僱外賣員卻接連被減薪。本報收到自僱外賣員投訴，指foodpanda近月更改制度後，連續三次扣薪，每張定單累計減幅約一成，每月收入減少約2,000元。逾百名自僱外賣員不滿foodpanda單方面更改合約，近日開始「慢章工作」，拖延送外賣甚至拒絕接單。
屬步兵的自僱外賣員吳先生指，今年7月foodpanda改制，以中環為例，原本每張定單平均劃一收費35元，其後改為按距離計算，平均每張定單收費33元至37元不等。他指有外賣員發現每張單少收5毫，起初不以為意，但兩周後再減多5毫，至本周一每張定單更扣減2元，累計減幅約一成。
吳先生指，合約列明foodpanda可更改收費，但須事前通知自僱外賣員，「我哋有權揀做定唔做」。「一張單減3蚊，每個月少收約2,000蚊」。他又指，多名外賣員曾向foodpanda反映及要求交代減薪原因，但一直沒有回覆。
吳直言各區自僱外賣員均不滿foodpanda的做法，正醞釀工業行動，近日已開始「慢章工作」，逾百人響應，「我哋會hold單，譬如攞咗個餐，唔送住，拖到好慢，等個客一個鐘頭先收到，然後投訴」，甚至有外賣員拒絕送餐，「直情唔去攞，由佢擺兩個鐘」。
foodpanda回應指，送遞員定單服務費由7月13日起根據不同因素制訂，包括送遞距離、送遞員的接單率、所在地區及時段等，並於7月初通知所有送遞員，隨後一直因應市場需求調整定單服務費，也會不定期推出各類額外服務費，應對繁忙時段及長途定單，鼓勵送遞員積極接單。