譚炳文上周六因肺癌與世長辭，其女兒譚淑瑩昨日下午約2時45分到紅磡殯儀公司為爸爸辦理後事，連日來奔走，瑩瑩顯得頗為疲累。她說：「主要嚟揀花圈，同埋帶咗套西裝畀爸爸着，佢着開嗰啲夏威夷恤，仲有件佢成日都着出去嘅羽絨jacket。」
至於炳哥的遺照，瑩瑩表示已選兩張：「因為個場刊可能都用返同一張相，所以等公司（無綫）揀。」提到阮德鏘昨日在社交平台公佈炳哥將於9月21日在紅磡世界殯儀館設靈，瑩瑩說：「𠵱家都要等個爐有冇期，唔等就要改。」她感謝圈中前輩、朋友的慰問：「阿姐（汪明荃）、家燕姐、寶珠姐都有打嚟問候，淨係message都過千過，真係睇唔晒。我想藉呢個機會感謝所有自己嘅親友、朋友同fans，大家都好有心。」