我做經紀廿幾年，那些年我招兵買馬，當年才25歲的下屬A，身高6呎、貌似台灣男星柯震東，講起錢，他雙眼發光。有天一個客人walk-in約睇樓，當時A是新人，睇完樓返公司，他只說客人無厘頭。
以為此刁不成，數天後該客人竟致電約A翻睇同一單位，當時我興奮地說：「掂呀！」怎料平時熱情健談的他竟冷淡地說：「哦！可唔可以陪我一齊去。」作為上司，又有單開，我怎會拒絕。客人相約晚上7時，大廈閘前等，迎面而來是一位年約50歲大叔，身穿緊身紅色上衣、黑色窄身皮褲，左耳還戴着不知是真是假的鑽石耳環。大叔全程對A虎眼眈眈 ，上樓才看幾分鐘，就話睇完不如去飲杯嘢，又話不如打桌球，巧合地，樓盤附近有一私竇是他朋友所有，有嘢飲又有桌球打，我極速say yes。
上到私竇，我後悔了！大叔說教A開波，黑色皮褲緊貼A下半身，又捉住他手要調教姿勢。那刻，我爆了，是怒火，一手拉走A，秒速奪門而去。事後A和盤托出：「大佬，我怕你笑。呢條X佬，晚晚11點打嚟煩X住我。」我話：「你唔早講，就算佢係實客，我哋都唔使做佢生意。」大叔有無幫襯？有，700幾萬買入一伙，畀足佣，A淨袋4萬幾。如果男女那種叫「床單交易」，咁呢啲可能叫「床蛋交易」。
小師兄