曾出席「撐警」活動的電影公司老闆冼國林，昨日被人在其位於尖沙嘴的公司樓下貼街招，指購買了冼國林所屬國藝娛樂（8228）旗下發行之債券，涉及款項達數億元，質疑國藝收錢後將債券大幅度貶值，兼發現其聲稱是資產的影城是租的。一名深圳居民林先生（化名）向《蘋果》爆料︰「五、六年前買國藝娛樂的債券，只收過兩、三次利息，之後國藝話公司財務不良要重組，連本金都畀唔到我哋。我同家人畀咗3,500萬買債券，最後乜都冇。」
林先生指去年12月已報案，至今年2月法庭判決同意國藝債務重組，通過用股票形式代替債券，林先生說：「我哋攞住股票紙，等於我哋啲錢冇晒，所以我哋要上訴，同埋已經報警處理，告佢詐騙。」《蘋果》昨聯絡冼國林了解，他在電話中說：「公司債務重組，經過法庭批咗，公司有呃佢乜呢？至於塊地係租，年報有寫係租40年。我頂天立地冇做錯，日日都喺公司冇潛水。」