鄭秀文（Sammi）與蔡卓妍（Sa）主演的電影《聖荷西謀殺案》將於本月底上映，早前Sammi與阿Sa一同受訪，提到Sammi為該片增肥10磅，她說：「有一場要除咗衫見到啲肉震震吓，我反而鍾意喎，呢個年紀唔鍾意自己好瘦，階段唔同咗，我覺得有啲肉嘅女士好好睇。」談到與佟大為的床戲， Sammi說：「場love scene對我嚟講都少少大膽，拍嘅時候除剩個bra，其實我成日做運動都剩係着個bra top，好自然，冇乜尷尬。」
Sammi在片中演繹一個對愛情執迷的角色：「我本身同角色反差比較大，佢愛恨都強烈，我自己就唔係，喺愛裏面唔好選擇咁強烈嘅恨，咁會帶嚟好大嘅傷害同埋痛苦。」繼2003年合作電影《戀上你的床》後Sammi與阿Sa再結片緣，Sammi爆Twins常到她的家作客，她會擔當「輔導員」跟她們傾心事。
場地提供：香港維港凱悅尚萃酒店