曾幾何時，電動車給人的印象就是開不遠、跑不快、馬力不夠，直至Tesla面世。Tesla的第一代Roadster，原型是超級跑車Lotus Elise，加上200英里續航，讓消費者徹底對電動車改觀。原來，包括生產飼料導致的排放，畜牧業的總排放跟所有交通的排放其實不相伯仲。因為氣候變遷，電動車準備取代汽油車；又因為氣候變遷，我們有可能取代畜牧業嗎？
從大豆植物根部提取大豆血蛋白，透過合成生物科技製造出分子、味道、質感與肉類一樣的漢堡扒，不可能的都做到了。
最近我請教了「不可能食品」（Impossible Foods）的國際事務高級副總裁Nick Halla一條問題：「你們把人造肉打入市場，是先攻高端市場，還是大眾市場呢？」這是一個有趣的經濟學問題，因為高端市場的消費者較着重的是「肉」質，而大眾市場的消費者則比較對價錢敏感。Nick Halla的答案是他，們先攻高端市場。我馬上回應：「那麼Impossible Foods就是人造肉的Tesla了。」
Babe問：「Tesla啲股價升到冇可能咁高，咁Impossible Foods值唔值得投資呢？」我答：「都未上市，不過由當年荷李活群星拱照撐Roadster，到今日差啲打入標準500，睇科技股眼光要放得遠。」女友再問：「除咗Impossible Foods嘅人造肉，聽講城哥仲有投資Perfect Day嘅人造奶，都值得買？」我再答：「佢啱啱做完C輪融資，更加要畀啲耐性。今日請你食住炸兩先，不單止冇肉，仲連隔夜油炸鬼都冇嘥，好環保。」
徐家健
美國克林信大學經濟系副教授