張家輝哽咽送別　
陳木勝遺願　與城城拍音樂劇電影

導演陳木勝上月因鼻咽癌離世，終年58歲，其家屬昨日於沙田天主教聖本篤堂為他舉行逾越聖祭及辭靈禮，陳木勝生前好友洪金寶、郭富城、甄子丹、關信輝及麥當傑等現身致祭送別，當中消瘦不少的張家輝戴上兩個口罩到場，做足防疫工夫，扶靈由杜琪峯、林小明、楊受成、成龍、李惠民、潘耀明、岑建勳和梁崇勳負責。近兩小時的儀式於中午12時半結束，其後靈柩移奉柴灣歌連臣角火葬場火化。

「咁年輕特別難過」

來賓陸續離開時，跟陳木勝合作電影《三岔口》的城城十分傷心，問到跟導演合作的點滴，他說：「最記得當日導演話希望我哋拍一部音樂劇電影，未有落實，大家係想做，木勝係我電影伯樂，好唔捨得佢。」最後他向陳木勝致敬：「你永遠都活在我哋心目中，安息。」

而與陳木勝識於微時的張家輝，談及好友離世，心情極之不捨，他說：「我認識陳木勝導演係啱啱入亞視拍劇，佢當時做監製。佢畀我感覺係乾淨、健康同有禮。」他再感慨地說：「佢離開年紀尚輕，好多謝陳木勝導演咁多年為港產片拍咗咁多好作品。正因為咁年輕，我特別難過，就好似老牌品牌，突然唔做或者移民，但耐咗有感情冇得取代。」此時，張家輝感觸眼有淚光，問他是否因近年沒有跟對方合作感到可惜？他哽咽地說：「係。」再問到是否原本有合作計劃？他無奈點頭，直到平復情緒之後說：「我想講最好懷念方法係睇佢遺作《怒火》。」

洪金寶讚是君子

撐着枴杖、比前消瘦的洪金寶與陳木勝多次合作，關係亦師亦友，對於導演英年早逝，洪金寶說：「好惋惜，諗唔到，我完全唔知佢有病，喺導演過身前十日，我仲諗好耐冇見佢，微信約佢飲茶，點知十日後佢就過咗身。」他稱讚故友是正人君子、好好先生，對他的離世感到非常心痛和可惜。