現年34歲組合C AllStar成員之一的梁釗峰跟圈外女友、米芝蓮餐廳新斗記的太子女拍拖四年多，今年6月他於社交網貼出跟女友合照，罕有放閃，但近日卻被《壹週刊》拍到疑背着女友偷食長髮女，兩人約會撐枱腳兼睇日落，相當浪漫。據報道指釗峰當日和穿上背心的長髮女密會，兩人散步期間，釗峰主動搭對方膊頭又攬腰，態度親暱，不過長髮女表現有點避忌，之後兩人同坐石壆聽歌時，更一對耳機兩份用，看完日落後便同車離去。
而釗峰跟長髮女約會報道昨日出街後，翻查他的社交網跟女友合照已消失。對於被爆背女友偷食，《蘋果》昨日向釗峰求證，他自爆已跟女友分手：「7月尾已經回復單身，唔係偷食，嗰個只係朋友嚟，多謝關心。」