【本報訊】多名男警圍攻12歲女童的暴行，全靠被警方一直打壓的大學生傳媒直擊發現。拍到事發經過的記者形容事件震驚，認為警方針對的對象已由黑衣人變為路人，憂慮自己也隨時受傷。
科大電台新聞組記者麥同學拍到女童遭遇警暴的經過，片段被各大傳媒廣泛引用。他憶述當時身處旺角西洋菜南街，有人正在叫口號，突然有防暴警員大聲要求路人停低，但未有交代原因。
麥同學估計警方將會採取行動，於是立刻錄影，結果記錄了女童被防暴警員撞飛壓低的畫面，「幾震驚，我冇諗過佢哋會咁突然撲低一個女仔，好突然，冇任何預警，之後仲壓喺佢身上面！」他指當時大批途人「嘩咗出聲」。
採訪新聞近一年，麥同學留意到警方使用武力的對象由過去穿黑衣的示威者，轉而針對所有平民，8.31一周年途經旺角、慘被警員拉跌的28歲孕婦便是一例。他批評警方無差別施暴，「𠵱家好似都有少少無差別，對一啲喺發生衝突地區嘅人士，可能經過嘅途人都要施暴，去制服」，擔心採訪時會受傷。
反修例運動以來，記者屢成警方針對目標，學生記者更是主要受害人。8.31一周年當日，麥同學被警方票控違反限聚令，他批評警方以限聚令作藉口，票控「不被警方認可嘅記者」。另一邊廂警方卻使用他們的新聞片段，「好多畫面都係我哋大專媒體影到，例如10.1開槍，佢哋都有用呢啲片段作為記者會上嘅片段，覺得呢個打壓幾無理」。他表明不會繳交罰款，選擇抗辯。