二百警8.10搜查《蘋果》，除了激起民憤，海外港人隔住一個太平洋同樣感受到那份比海嘯更強的震撼，大感憤怒，但無奈身處異地，想撐《蘋果》卻未能親身買報，「香港史上冇試過咁大批警察去搜一個新聞媒體，特別喺美國，佢哋覺得新聞自由係好緊要，所以覺得香港好危險」。網店「原味香港」成員阿Ｋ（化名）於是與拍檔阿絲（化名）決定代購《蘋果》，郵寄海外。
阿Ｋ接單時與海外客人溝通，「呢一日係歷史上要留住嘅一日，喺香港冇可能發生啲咁荒謬嘅事。佢哋好多都係上咗年紀嘅爸爸媽媽，可能都係想留返嚟日後教育自己嘅小朋友」。8月11日凌晨，二人跑勻彌敦道多間報攤，為了搶購新鮮出爐的《蘋果日報》，她們沒有手瓜起𦟌，但搬起報紙來毫不猶豫，手起報落，一大叠報紙塞進連鎖傢私店的藍色購物袋內。
大手購入報紙後，她們從報檔老闆得知，蘋果出版的《自由之夏》、《榮光歲月》、《不是最終章》這三份特刊，部份銷量未如理想，估計因為推出時公眾關注疫情，所以反應一般，她們知道，若書刊滯銷需退回發刊商，最終可能變成廢紙，因而發起「留住真相輸出蘋果」團購活動，代訂報紙和特刊。
阿絲從移民角度思考，發起海外團購，因為她本身正是反送中運動後的回流港人。當初受到去年7.1有人衝入立法會一事觸動，眼見當晚一群原本已離開議事廳的抗爭者，衝回廳內拉走本欲死守之士，她再也按捺不住，扔下彼邦穩定工作、家人，回港投入戰線，「我知好多人同我一樣，係因為呢幕而返嚟」。
網店最初一系列產品是文宣圖案行李貼紙，因為眼見連儂牆很多精美文宣都被撕掉，大感心痛，於是把相關圖畫製作成行李貼紙，伴隨喜愛旅行的港人搭飛機，把訊息傳遞開去。網店現時以出售反送中書刊和紀念品為主，早前只憑旅行時人手運送數本書刊到海地，今次屬首次以大量團購書刊。
由於運費是以重量計，加上不想報紙太遲到客人手上，他們找速遞公司空運，運輸成本比書刊售價更貴，但可以一星期便收到，而且能追蹤郵件，可靠得多。「一本《榮光歲月》成1.5公斤，如果用香港郵政，一本運費就要二、三百蚊，仲要係船運，要等兩、三個月，冇得追蹤，所以我哋諗好多方法，問好多間快遞，運費真係好貴。好多人質疑我哋點解運費仲貴過本書，『你哋係咪食人血饅頭呀？』」
她們惟有逐個客人解釋運費成本、入口美國的稅率，還有聘請「手足」搬運費用，而自己只能義務工作，沒有收入。首批團購活動寄出了500份書刊及報紙，足足九大箱。到了8月28日，有190名「北美港女」在《蘋果日報》落「連儂牆」跨版廣告，網店接下第二批定單，為「北美港女」郵寄50多份報紙到美國。
國安法之下，她們擔心這些報紙和書刊早晚會變成禁書，阿絲說：「書本係記錄事實同真相，大家都發現，只要受紅色資本控制，書本嘅自由度逐漸縮小。我哋想趁住所有紀錄真相嘅物品消失前，將佢哋移到去海外保留。」
這些書刊將來可能會成為海外港人後代的歷史書，「我哋唔想好似八九六四嗰時，所有紀錄真相所有刊物、影片都喺中國全面消失，要喺外國先搵到」。阿絲回想當初返港，遭到家人大力反對，力勸她別與政權對抗，甚至說要與她斷絕關係。
阿絲解釋，家中很多親戚長輩都在文化大革命時身受其害，讓她自小認清制度上的缺陷必須改革，家人後來落難到港澳，九七前移民離港，但即使離開了大陸，文革後的心理創傷如影隨形，對共產黨極度恐懼，「我阿媽叫我唔好做唔啱嘅事，我話我只會做公義嘅事」，她拒絕認命。