現年已60歲的太極樂隊主音之一雷有曜（Albert），早已移民加拿大，全面退出樂壇，但原來他心中的一團火仍未熄滅，只是由音樂轉移到香港社運。近日Albert受訪時坦認去年目睹百萬市民上街反送中後，醒覺香港政府的無理行為，結果令他由政治冷感，逼成走到加拿大街頭打國際線為港人發聲。Albert現時每日仍出力支持港人，亦寄語手足千萬不要放棄。
在80、90年代盛極一時的太極樂隊，主音之一的雷有曜已移居溫哥華多年，但原來一直心繫香港；去年更為「反送中」運動出力，他最近接受身在多倫多的鄭敬基訪問，大談自己如何由一個政治冷感，變成走到加拿大街頭最前線撐香港抗爭的「手足」，訪問中Albert直認因怕被指勾結外國勢力而不敢回港。
Albert承認由2012年「反國教」、2014年「雨傘運動」以及去年「反送中」，起初並不覺得香港發生「好大件事」，但直至去年6月9日100萬人上街後醒覺：「香港政府喺夜晚11點幾宣佈送中條例繼續二讀，咁我就覺得『你咪挑釁抗爭嘅人士？』當晚佢哋已經走、散晒，根本已經完，你點解要喺呢個時候激嬲佢哋？你點解唔第二日先宣佈？偏偏要喺嗰個時間講出嚟？咁咪搞到件事越撩越猛！」
Albert指從那一刻起內心開始覺得憤怒，而這種感覺亦慢慢提升：「當初冇諗過出去遊行，但我曾經係（加拿大）遊行嘅第一排，我同陳偉業（前立法會議員）一齊好似帶隊咁，我都估唔到我企到咁前同揸住支旗。」鄭敬基笑言他若在港會被指勾結外國勢力，Albert坦言不敢回港：「返香港都有危機！」
Albert表示即使沒有社會運動，自己亦從無打算到內地工作：「覺得好粗魯，大家環境、文化好唔同，因為80年代係我哋嘅豐盛時期，我有選擇權，當時收入好穩定，我可以揀嘢做，嗰個年代好幸褔。」不少藝人不敢發聲，Albert直言：「有啲藝人沉默，OK！沉默唔出聲覺得唔可以表態，因為站咗邊搵食成問題，呢樣嘢我都理解，但如果話你要出嚟站台撐另一邊，OK！都冇問題，你有自由去選擇，但我絕對唔會認同。」他更欷歔指創作人受到限制影響創作空間，若連創作人都認為「冇辦法啦，我都要跪低。」實是絕不合理的事情。
現時Albert每日均會外出播放《願榮光歸香港》，又與鄰居約定時間一起在家中的露台敲打發出聲音，自己最初只是想為前線醫護及工作的人打氣，但後來太太想到不如改成於同時間外出，在車上播放《願榮光》，希望把訊息宣揚出去。Albert又謂若身在香港，會用另一種可避開被檢控的方法來支持社運：「我最近再睇返《十年》呢套電影，覺得另有一番意思喺裏面，更加深入。我覺得香港人要堅持，唔可以熄咗團火，睇吓幾時可以燃燒得勁啲，同埋我希望睇到有光復呢一日。」