陳木勝去年底帶病完成電影《怒火》的拍攝，沒料到成了他的遺作。據英皇電影表示，後期工作交由英皇電影製作部去監督，並會根據導演生前的指示進行，刻下已接近完成階段，映期未定。有份參演《怒火》的譚耀文、袁富華和胡子彤都是首次跟陳木勝合作，《蘋果》早前找來他們細說與陳木勝合作的點滴。
譚耀文指陳木勝是一位謙謙君子，人品很好，他說︰「同佢合作最難忘係佢喺現場嘅應變處理，從佢嘅處理手法，睇得出佢為人剛柔並重，有時都好鬼馬。」袁富華就不勝欷歔︰「以為佢高高大大係個粗獷型嘅男子，相處落原來佢係個溫文爾雅嘅書生，尤其同佢傾角色時，真係冇得頂。最難忘佢嘅親和力，影響到身邊工作人員，包括我。記得拍最後一場大場面時，現場好多演員同小朋友，又要爆破，但導演冇亂，佢嘅親和力令大家唔會有混亂情況。」至於晚輩胡子彤坦言在導演身上學到很多，尤其他對人真誠，對熱愛的事情那份堅持。