上月因鼻咽癌離世的陳木勝，曾在訪問中透露自小看李小龍及港式動作片長大，在耳濡目染下，影響到日後作品亦以剛猛見稱。亞視年代經典一役是《皇家檔案》，兩名武師戴着頭套手持道具AK47，光天化日下在彌敦道狂奔，而成名作《衝鋒隊：怒火街頭》更在沒有申請下於九龍灣鬧市搞爆破，令他被政府列入黑名單。陳木勝出品被指玩命，有傳不少合作過的藝人，事後都耍手擰頭。
浸會大學電影學院講師、資深影評人林震宇（皮亞）早前在沙田受訪︰「佢係警匪動作片一員猛將，電影有好濃烈嘅男人世界氣味。睇佢嘅戲會好痛快淋漓，有飛車、槍林彈雨，都係男人嘅情趣。」皮亞指陳木勝處理城市飛車場面有過人的駕馭能力，且不斷提升，作品已成教材級材料。另他又形容陳木勝不單受恩師杜琪峯影響，還隱含大導演吳宇森及林嶺東的講故事方式︰「《雙雄》入面有最多吳宇森《喋血雙雄》影子。到後來嘅《男兒本色》、《三岔口》及《掃毒》，可以媲美吳宇森嘅《喋血街頭》。都係由很好朋友嘅情義開始，到後嚟大家身份唔同反大面，發展到最後兄弟情嘅鬥爭同矛盾，都係好男人同陽剛。」他指陳木勝喜歡實景拍攝，對觀眾來說是很好看。
談到陳木勝代表作，皮亞會選擇《天若有情》、《衝鋒隊：怒火街頭》及《掃毒》︰「《掃毒》我會話係佢回勇之作，還原基本步重回港式動作片傳統文化。要講到最喜歡，依然係《衝鋒隊》好有嗰種手到拿來、輕描淡寫感覺，唔止動作拍得好睇，喺人物處理亦非常出色，兩條線相互交接得揮灑自如。」
場地提供：香港浸會大學國際學院