影帝黃秋生5月時到台灣拍戲，由於當時香港社會動盪不安，曾有網民提議敢言的他移居台灣，當時秋生親回：「準備中。」而日前8.31一周年，秋生形容香港十分混亂，更坦言：「邊度有生機就去邊度。」秋生前日生日，他在twitter貼文寫道：「今天59歲生日，每年都有人問我生日願望，但總沒有特別想擁有，無所求。今年有了，願我能將一生所學之技帶到台灣，教給下一代。」似乎去意已決。
網民對秋生的留言送上祝福，當中有網民念念不忘他在電影《八仙飯店之人肉叉燒包》中的演出，留言：「大飛哥生快，想學人肉叉燒包做法。」秋生又再次親回：「包店計劃中。」《蘋果》昨日聯絡秋生，問他前日生日如何度過？秋生說：「去了拜山，拜阿媽。」秋生的母親在前年10月底病逝，享年87歲。生日又是母難日，向來侍母至孝的秋生，選擇在這天去拜祭。提到跟網民互動時稱有意在台灣開包店，秋生說：「啲嘢咁啱得咁蹺，講起話做點心，有個朋友話有興趣，朋友個朋友，全部都係台灣人，𠵱家傾緊喺台灣開。」
此外，身在美國的無綫前藝人石天欣，昨日在《蘋果》落了1/4格廣告，為媽媽送上別出心裁的生日禮物。廣告中以黃色做底色，上面寫着：「我媽媽今日生日，佢真係今日生日，所以喺度落廣告，望佢會好開心，希望媽媽能每日早啲瞓，可以十二點鐘前瞓？如果大家有意購物，可以facebook搵香港人嘅美國代購，想返香港但未返到港嘅石破天欣上，佢真係今日生日，Happy Birthday mum」。當中每句句子上有一個黑色字，排列後是「我真係好能鍾意香港」。
石天欣昨接受《蘋果》訪問表示：「其實係媽咪想落廣告，但佢又唔識，最終都係我搞，不過佢係今日先見到個設計。」又指母親十分滿意。
