「文字威力好大，所以極權先怕文字」。中國文字獄特別多，《蘋果》被「抄家」當日，有港人看着直播畫面分不清哪裏是中國哪裏是香港，事後寫了一首「嵌字詩」，詩內斜排暗藏「黎智英周庭無懼」訊息並成為《蘋果》其中一頁全版廣告，廣告被瘋傳了半個地球。該廣告策劃人並非甚麼隱世高人，他既怕國安法，更因身處藍營擔心被篤灰，但面對極權製造的恐懼，終決定不能退縮要繼續發聲，深信「靜夜必去光時來」，這種人就叫「香港兒女」。
黎智英被捕後，「香港兒女」在《蘋果》登了全版廣告，內文短短56個字扣人心弦，連周庭都深受感動。一切源於憤怒荒唐，「蘋果被抄家畫面太震撼。香港從來有新聞自由，生活咗咁多年，好難想像發生咁嘅事。」7.21未見人，搜報館則幾百人，「唔知以為有恐怖分子。」當香港各方面急速崩壞，今次輪到言論自由。
嵌字詩花了個多小時創作，本來只貼在facebook回應朋友，後來靈機一觸，「珍惜仲有機會發聲，不如將佢變做一個廣告啦。」曾有朋友勸說：登廣告很危險、「抗爭成本」很高，惟「香港兒女」覺得登廣告「做嘅嘢好渺小，以前抗爭嗰班小朋友比我哋做更多啦。」但看着報館被搜查，不怕他朝廣告客戶個人資料亦被警察帶走？「香港兒女」直言怕，但「如果因為把刀擺咗喺你頭頂唔發聲， 就連最後發聲自由都冇埋。」
結果，嵌字詩感動萬千人，「香港兒女」也被漣漪之廣而感動，「大家唔係認同我，係認同我哋嗰種經歷，喺恐怖極權下生活嘅一點一滴俾人蠶食，嗰種不忿。」「靜夜必去光時來」就是鼓勵香港人，「好似好絕望，但世界都聚焦香港呢度，有一點光明存在，希望唔好因為啱啱黑夜來臨，大家就喪失韌力。」
連日揭開《蘋果》見到廣告滿滿，「香港兒女」為很多人像他一樣珍惜發聲機會而感動，「我諗對前線付出過、覺得好氣餒嘅人，係一支強心針，我哋冇忘記，我哋唔係忘記咗憤怒。」