當天留家工作的網上旅遊媒體「又飛啦！Flyagain.la」創辦人周錦基（Frankie）是最先決定登廣告的商戶，「喺我世界裏面，有兩樣嘢唔搞得，一係學校，上年（圍攻）中大我好嬲；另一樣係傳媒，就算係《文匯》、《大公》，如果有日俾人搜都唔得。」搜報館當天下午他即決定落廣告支持《蘋果》，佔四分一大小版面，留白設計令人即時意會是表態，他卻沒想到「原來得我一個茂利落。」
在《蘋果》登廣告，隨時得不償失，前特首梁振英會把商戶點名，政治打壓得明目張膽，Frankie指今次有「天時、地利」因素，疫情下過去潛在客戶不論藍紅均業務歸零，「佢哋都冇錢，咁我哋自救囉，大條道理盡地一煲」，但從事網上業務，雖多了粉絲，尚未轉化為利潤，惟因專頁粉絲數量與互動情況亦是重要資產，「多咗人留言同私訊讚，令engagement提高，未有錢賺都可當固本，疫情過咗就再出發。」
同樣業務大受打擊的，是早前暴動罪不成立的「赴湯杜火」湯氏夫婦，兩人經營的健身中心生意跌剩兩成，卻仍決定自掏腰包五位數登廣告表態，未拍板前也曾猶豫掙扎。丈夫湯偉雄指：「佢（妻子）嗌我唔好。」妻子杜依蘭笑言：「𠵱家未開得工嘛。（廣告費）對我哋嚟講算幾多吓，成兩三個月都冇得開工。」
疫情下兩人健身房常被要求關閉，「政府畀嘅補貼只夠填番前幾個月舖租錢，呢兩三個月我哋冇糧出，廣告錢都係自己拎出嚟。」為何最終決定破費？兩人直言，落廣告是表態，「希望有言論自由，市民要話畀佢（政府）知我哋好嬲、唔鍾意，呢樣嘢係大過錢嘅價值。就算俾人打壓，我哋都會繼續撐。」
另一受重創的婚禮界，有人形容行業「黃到發金」，最終在《蘋果》登下頭版廣告「香港人，結婚！」搞手Jacky形容自己「一時衝動」，即興的提議卻集合出三分一婚禮界同業的意志。
Jacky透露，當日被「見字剪髮」髮型師聯合廣告觸發，本預計有60至70個同行加入，豈料一呼百應，有人甚至來得太遲未能夾份，最終以每人703元撐起一個頭版，雖然價錢大家「可負擔」，但現時婚禮界生意跳崖式直插，Jacky亦兩個月零生意，有行家更要暫時轉行送外賣自救，抗疫基金業界「一蚊都分唔到」，但各人決意向《蘋果》「獻金」，「呢個係我哋黃人心態，無論幾唔掂，幫到嘅都盡量幫。」
更重要是要告訴政權：人民沒有忘記，「其實好多香港人都冇忘記，𠵱家嘅每一日，都係上年嘅一周年。」