《蘋果日報》受政治打壓，有一段日子廣告幾近絕迹，碩果僅存的都集中在A叠，今次全城撐《蘋果》，連C叠體育版都獲客戶青睞。足球評論網「波事春秋」上月16日買下C11全版廣告，版主「炸頭」及「飛機」說，當日從直播見證《蘋果》被搜，「嗰日感覺好長，好難捱」，「由警察朝早拉人到搜報館到天黑，夜晚仲要再拉周庭，大家心理負擔好大」，兩人繼而化憤怒為行動，想以實際行動撐《蘋果》，「普通市民除咗訂閱，想做多步，咪落廣告囉。」
於是，兩人找來友好「四格好波（IC足球部）」設計出簡潔而霸氣版面，「《少林足球》呢段經典對白係集體回憶，大家都係要以弱勝強，亦一樣有黑哨」，除了表態，更希望用廣告向每位過去一年同樣感到難捱的「香港球迷」打氣。
有人常云：「體育不涉政治」，但香港球迷過去一年早已「政治化」，去年9月便在維園發起大和解活動，不論支持哪支球隊，原來大家最撐「香港隊」。炸頭和飛機說，曾以為喜愛足球是畢生志業，每逢周末視睇波為一等大事，但抗爭運動期間喜好早放在一旁，「直播唔係睇波而係睇大家安唔安全」，曾經矢志不渝的愛隊地位也被降低，「因為發現自己最L愛嘅係『香港隊』，代表乜大家心照。」
既然如此，如何看現時「香港隊」形勢與戰術？炸頭和飛機分析，黑哨當道下完全捱打，「冇可能攻，突擊都冇機會，咪打守勢波，打番好自己個節奏同陣式，有時輸贏唔一定睇比數，打到自己部署，就算輸都係超額完成。」他們更認為，形勢不樂觀時更考驗球迷，「唔落場嘅唔係齋睇，場邊可以打氣仲要更落力，幫隊波叫番個勢返來，等球員知道唔係孤軍作戰，黑哨聽到噓聲都會怯啦！」兩人的比喻有數據支持，以英超為例，復賽後閉門作賽，結果92場球賽中，主隊只贏45場，勝出率低於一半，「打氣聲好重要，畀其他同路人聽見大家未放棄，陪你一齊叫，鼓勵到人，已經係搵到位置貢獻。」