細So前晚接受《蘋果》訪問時，透露早在6月時，自己和太太都收到惡意留言攻擊，「有人私訊我同太太，話要公開呢件事，令到我名譽掃地冇飯開，同埋要我成家人都冇飯開。」記者翻查細So的Ig，發現在6月時有人tag了細So太太阿Wing的名字再留言：「點解你扮唔知蘇生偷食，但又周圍同人呻嘅？」更有人在細So直播時留言叫阿Wing問細So「Stephy係邊個」。
事件曝光後，有網民發現細So的Ig在6月23日後，他除低了每日直播時均會佩戴的黑色手繩，而且沒戴手繩之後的第一個live，細So聲沙沙露出可憐相，網民指：「6月23，咁啱就係個第三者send畀佢老婆後兩日。」而昨日亦有網民發現細So本來有超過2,000個post的Ig，當時只剩下1,813個，當中與阿Wing的恩愛相及兒子的照片都均已被删走。