同樣成為政府抗疫措施受害人的飲食業，是近期《蘋果》廣告常客，部份地區食店更聯合自救，灣仔區議員楊雪盈早前聯同大坑區內食肆，推出「救黃店」外賣計劃，同時在《蘋果》刊登了「嗌外賣！幫大坑！」廣告，區內食肆隨後終迎來久違的「踢晒腳」日子。
「嗌外賣！幫大坑！」計劃設有兩大外賣專線，服務東區及中西區，南區暫時無緣。楊雪盈指，一連兩星期的外賣活動源於撐《蘋果》，她觀察到很多黃店利用廣告表態，「咁不如我哋大坑都落（廣告）」。最終形式由區內民聲冰室的太子爺獻計，他跟區內數間食肆早前曾接受《蘋果》一篇關於大坑食店經營困難的專題報道訪問，事後換來太古街坊主動聯絡，提出團購外賣，「之前都冇試過咁嘅事，於是我就諗登報都有效果」，然後再藉《蘋果》廣告，帶動起一場黃色經濟圈活動。
記者上星期到場採訪當天，一到6點半人人「踢晒腳」，有人負責分單，有人準備擔當送外賣的車手，原來他們都是熱心義工，連運送外賣的都是各人的私伙車。其實在疫情下已有大坑四間食店結業，剩下亦在「死頂」，誰料廣告宣傳外賣後，吸引不少熱心義工參與，有人出車，有人出力，「用嘅車、油錢都唔成正比」，外賣自救行動反應不俗，更帶來意外收穫，因疫情失去九成生意的燒烤店巴別橋老闆便形容，大家現時除了自救，更會「預埋隔籬鄰舍」，結果令大坑人關係更緊密。