山度士退居幕後多年，一直甚少談論本地足球，可是近期球圈大亂，令這位一代名將忍不住發聲。他指重整發展方向及港超聯是目前最重要工作，而有球會在疫情下棄戰，就有違體育精神。
足總管治不濟，政府續批新五年計劃，疫情下復賽也糾纏多時，山度士透露近來有傳媒就這些議題詢問其意見：「香港想爭取打入2034年世界盃？唔係唔得，但點追近越嚟越強嘅對手？既然短期難追，其實足總應先搞好內部先。政府推鳳凰計劃咁多年，做咗乜呢？」
「要搞好球市，好似當年將比賽集中喺1、2個球場，甚至安排雙料娛樂，都係比較有效嘅方法；硬推主客制，只會令球迷流失。你點叫伯伯一日趕兩場？尾場喺元朗，睇完場波返出市區都十點幾，對球迷嚟講，好難，如果集中喺旺角場就方便到球迷。」山度士續說。
曾代表港足出戰世盃五人賽的山度士認同要搞好五人賽，如認定推動五人足球有助本地足運便要增加設施，嘗試向職業化發展，這是未來較易衝出亞洲的方向。
疫情下，港超復賽與否仍在糾纏，山度士認為在安全及可能情況下應設法復賽：「係咪有得爭冠就踢，冇就可以唔踢？咁係冇體育精神，職業球員唔止出糧，仲要喺場上表現自己同爭取獎金，家陣踢又得唔踢又得，真係冇體育精神。」